YaMMTda fuqarolik-huquqiy tusdagi shartnomani ro‘yxatga olish
Maqolada my.mehnat.uz saytida fuqarolik-huquqiy tusdagi shartnomani ro'yxatga olish tartibi tushuntiriladi.
O‘zbekiston Respublikasi Vazirlar Mahkamasining 17.12.2025 yildagi 796-son qaroriga asosan 2026-yil 1-yanvardan boshlab fuqarolik-huquqiy tusdagi shartnomalar my.mehnat.uz tizimida ro‘yxatga olinadi.
Shartnomani rasmiylashtirish uchun bosh sahifada ish joyini yaratish funksiyasi qatorida “Fuqarolik-huquqiy tusdagi shartnomalar” menyusi ochiladi.
Tizimda barcha amaldagi (muddati yakunlanmagan) fuqarolik-huquqiy tusdagi shartnomalar tizimda rasmiylashtiriladi. Shartnomani rasmiylashtirish uchun “Shartnomani ro‘yxatga olish” tugmasi bosiladi.
So‘ngra tuzilgan shartnomaga asosan ijrochining pasport ma’lumotlari kiritiladi.
Ijrochining ma’lumotlari to‘g‘riligi tekshiriladi hamda tuzilgan fuqarolik-huquqiy tusdagi shartnomaning qog‘oz shakli tizimga yuklanadi.
Shundan so‘ng tuzilgan fuqarolik-huquqiy tusdagi shartnomaning asosiy ma’lumotlari ro‘yxatga olinadi.
Barcha ma’lumotlar kiritilgandan so‘ng “Imzolash” tugmasi bosiladi. Ro‘yxatga olingan shartnoma “Joriy shartnomalar” bo‘limida aks etadi.
Maqola Yagona milliy mehnat tizimining my.mehnat.uz sahifasidan olindi.
